ស្វែងយល់ពីពាក្យខ្លះក្នុងមេខលា

ទំព័របណ្ដាញ (Web Page) : គឺជាទំព័រឯកសារទាំងឡាយដែលបានប្រមូលផ្ដុំនៅលើអ៊ីនធឺណិត
តំបន់បណ្ដាញ (Web Site) : គឺជាតំបន់បណ្ដាញរបស់ស្ថាប័នណាមួយ ដូចជា អង្គការ រដ្ឋាភិបាល ក្រុមហ៊ុន មហាវិទ្យាល័យ...ដែលគេបង្កើតឡើងដាក់លើប្រព័ន្ធមេខលា
HTML : Hypertext Markup Language ជាភាសាកូដរបស់កម្មវិធីមេខលា ដែលប្រើសម្រាប់បង្កើតនូវទំព័រក្នុងទំព័របណ្ដាញ។
ពិធីការ (Protocol) : ជាខ្នាតគំរូ ឬសំណុំនៃច្បាប់ដែលកុំព្យូទ័រប្រើសម្រាប់ ទំនាក់ទំនងគ្នាទៅវិញទៅមកបាន។
គេហទំព័រ Home Page : គឺជាគេហទំព័រដំបូង ដែលនឹងបង្ហាញនូវពេលអ្នកបើក តំបន់បណ្ដាញ ក្នុងកម្មវិធីរុករកបណ្ដាញ (Web Browser)។
អត្ថបទតភ្ជាប់គ្មានលំដាប់ Hypertext : ជាអត្ថបទដែលមានជាប់ជាមួយនូវការតភ្ជាប់ទៅទំព័រឯកសារផ្សេងៗទៀត។

អ្វីទៅជា www និង URL ?

www ជាអក្សរកាត់របស់ World Wide Web ហើយអក្សរកាត់នេះជាភាសាកូដមួយដែលប្រើសម្រាប់ដាក់ពីមុខអាសយដ្ឋានមេខលា (Internet Address) ហើយអ្នកអាចប្រើប្រាស់វានៅក្នុងប្រព័ន្ធមេខលាដើម្បីឆ្ពោះទៅរកគេហទំព័រ ដែលអ្នកចង់បើកមើល។
URL ជាអក្សរកាត់របស់ Uniform Resource Locator ។ តំបន់បណ្ដាញដែលផ្សព្វផ្សាយលើមេខលា គឺមានអាសយដ្ឋានរៀងខ្លួន ហើយមានឈ្មោះខុសៗគ្នា នោះគេហៅថា uniform resource locator ។